ევროპა და კონფერენს ლიგის ფინალის წყვილები და ჩატარების დრო ცნობილია

ცნობილი გახდა ევროპა ლიგის და კონფერენს ლიგის ფინალური წყვილები.

ევროპა ლიგის ფინალში 22 მაისს ერთმანეთს ლევერკუზენი და ატალანტა დაუპირისპირდებიან. გერმანელებმა რომა გამოთიშეს ასპარეზს (4:2), ბერგამოელებმა კი მარსელს (4:1) აჯობეს.

რაც შეეხება კონფერენს ლიგას, ამ ტურნირის ფინალი 29 მაისს გაიმართება და გადამწყვეტ შეხვედრაში ერთმანეთს ოლიმპიაკოსი და ფიორენტინა შეხვდებიან.

ბერძნებმა ფავორიტი ასტონ ვილა საერთო ანგარიშით 6:2 დაჯაბნეს, ფიორენტინამ კი ბელგიურ ბრიუგეს 4:3 მოუგო.

ევროპა ლიგის ფინალი დუბლინში, ავივა სტედიუმზე გაიმართება, კონფერენს ლიგის ფინალს კი პრაღა და სტადიონი ფორტუნა არენა უმასპინძლებენ.