Mundo Levante-ს ესპანელმა ჟურნალისტმა ერიკ მარტინ გასუია გიორგი ქოჩორაშვილზე ინფორმაციას ავრცელებს.
წყაროს ცნობით, ქართველი ფეხბურთელის დამატებით სელტა ვიგო და ესპანიოლი არიან დაინტერესებული, თუმცა ჯერ ფორმალური შეთავაზება არცერთი კლუბის მხრიდან არ ყოფილა.
ჟურნალისტი იმასაც წერს, რომ ესპანეთის დატოვების შემთხვევაში გიორგის სავარაუდო დანიშნულების ადგილი იტალია იქნება, სადაც ის სერია ა-ს ორ გუნდს - ლაციოსა და ტორინოს დაუკავშირეს.
ლევანტე მიმდინარე სატრანსფერო ფანჯარაზე ფინანსური მდგომარეობის გამოსწორებას აპირებს. ამის ერთ-ერთი საშუალება კი გიორგი ქოჩორაშვილის გაყიდვა იქნება, რომელსაც ბრწყინვალე ევრო 2024-ის შემდეგ სატრანსფერო ფასი მოემატა და მსურველებიც გამოუჩნდა.
ლევანტე ქოჩორაშვილისთვის აუქციონს მართავს
