როგორც იცით, სეზონის სტარტზე წარუმატებელი შედეგების გამო, რომა მწვრთნელის კიდევ ერთხელ შეცვლას განიხილავს.
სექტემბერში კლუბმა დანიელე დე როსი გაათავისუფლა და ივან იურიჩი დანიშნა, რომელმაც გუნდის შედეგები დიდად ვერ გააუმჯობესა და თავადაც გაშვების პირას დადგა.
იტალიური პრესის ინფორმაციით, რომას ხელმძღვანელობა დე როსის დაბრუნებას არ განიხილავს და რამდენიმე მწვრთნელს შორის აკეთებს არჩევანს.
კერძოდ, დედაქალაქური კლუბის შორტ-ლისტში შემდეგი სპეციალისტები მოხვდნენ:
რობერტო მანჩინი, პაულო სოუზა, მასიმილიანო ალეგრი, კლაუდიო რანიერი, ფრენკ ლამპარდი, გრემ პოტერი და ედინ ტერზიჩი.
სწორედ ამ მწვრთნელებიდან რომელიმესთან შეთანხმებას შეეცდებიან რომას მფლობელები უახლოეს პერიოდში.
