იტალიელი ჟურნალისტის ფაბრიციო რომანოს ინფორმაციით, დავიდ დე ხეასა და ფიორენტინას შორის ვერბალური შეთანხმება შედგა.
ესპანელი მეკარე ფლორენციელებთან ერთწლიან კონტრაქტს გააფორმებს დამატებით ერთი სეზონით გახანგრძლივების ოფციით. მოთამაშის სამედიცინო შემოწმება უკვე ჩანიშნულია.
დე ხეა ანაზღაურების სახით სეზონში 3 მილიონ ევროს მიიღებს.
33 წლის მეკარემ მანჩესტერ იუნაიტედში გატარებული 12 წლის შემდეგ გასული სეზონი უქმედ გაატარა და კარიერაში პაუზა ჰქონდა.
ახლა კი დავიდ დე ხეა ერთწლიანი პაუზის შემდეგ დიდ ფეხბურთს უბრუნდება.
