დღეს, 28 აგვისტოს დინამო არენაზე ვიტალი დარასელიას სახელობის თასის 2024 წლის გათამაშების ფინალი გაიმართება, სადაც ერთმანეთს ვალენსია და იუვენტუსი დაუპირისპირდებიან.
საინტერესოა, თუ რა გზა გაიარეს გუნდებმა ფინალურ მატჩამდე.
ვალენსია ჯგუფურ ეტაპზე თბილისის ლოკომოტივთან და გალათასარაისთან ერთად მოხვდა.
ლოკომოტივი 1-3 ვალენსია
გალათასარაი 1-4 ვალენსია
ჯგუფში ორივე მატჩის მოგების შემდეგ ესპანელები პირდაპირ 1/2 ფინალში მოხვდნენ, სადაც მათი მეტოქე უოტფორდი იყო.
ვალენსია 2-1 უოტფორდი
რაც შეეხება იუვენტუსს, ტურინელები ფინალამდე უფრო გრძელი გზით მოვიდნენ. ჯგუფურ ეტაპზე ბიანკონერის მეტოქეები დინამო თბილისი და უოტფორდი იყვნენ.
უოტფორდი 4-1 იუვენტუსი
დინამო თბილისი 3-1 იუვენტუსი
იუვე ჯგუფის ორივე მატჩში დამარცხდა და მე-3 ადგილზე გავიდა, თუმცა პლეიოფში შანსი მიეცა და თბილისის ლოკომოტივს დაუპირისპირდა.
ლოკომოტივი 0-3 იუვენტუსი
1/2 ფინალში კი ტურინელები დინამო თბილისს შეხვდნენ, რომელთანაც ჯგუფურ ეტაპზე დამარცხდნენ.
დინამო თბილისი 2-2 იუვენტუსი (პენალტების სერია 2-4)
ასე და ამგვარად, ვიტალი დარასელიას სახელობის თასის ფინალში ერთმანეთს ვალენსია და იუვენტუსი დაუპირისპირდებიან. ერთმა გუნდმა ფინალამდე გზა დამაჯერებლად და ერთი ამოსუნთქვით გაიარა, მეორემ კი ცუდი სტარტის შემდეგ თავის თავში ძალა იპოვა და ტურნირის მსვლელობასთან ერთად ფორმაში შევიდა.
ასევე ტურნირის ბოლო დღეს კიდევ 2 მატჩი ჩატარდება. 17:00 საათზე საგურამოს ბაზაზე თბილისის ლოკომოტივი და გალათასარაი მე-5 და მე-6 ადგილებს გაინაწილებენ, მე-3 ადგილისთვის მატჩში კი 19:00 საათზე დინამო არენაზე დინამო თბილისი უოტფორდს შეხვდება.
17:00 / ლოკომოტივი - გალათასარაი / საგურამოს ბაზა
19:00 / დინამო თბილისი - უოტფორდი / დინამო არენა
22:00 / ვალენსია - იუვენტუსი / დინამო არენა
მატჩების პირდაპირი ტრანსლაციების ყურება საზოგადოებრივ მაუწყებელზე შეგიძლიათ.
