საკლუბო სეზონი ხურდება და საქმეში ქართველ ფეხბურთელებსაც ვხედავთ.
გასული უქმეები განსაკუთრებით კარგი გამოდგა ეროვნული ნაკრების 4 მოთამაშისთვის.
ინგლისის ჩემპიონშიფის მე-2 ტურში უოტფორდმა ვიკარიჯ როუდზე სტოკი მიიღო და მეტოქეს 3-0 სძლია. თავი საგოლე გადაცემით გამოიჩინა გიორგი ჩაკვეტაძემ, რომლის პასის შემდეგ ედო კაიემბემ დუბლი შეასრულა.
ჩაკვეტაძე ჩემპიონშიფის კვირის გუნდში მოხვდა
ავსტრიის ბუნდესლიგის მე-3 ტურში გრაცის შტურმი კლაგენფურტს ესტუმრა და მეტოქე 0-2 დაამარცხა. შეხვედრაში ანგარიში 75-ე წუთზე ოთარ კიტეიშვილმა გახსნა, რომელმაც პენალტი ზუსტად შეასრულა.
სტარტი აიღო ესპანეთის ლა ლიგა 2-მაც. ლევანტე პირველი ტურის მატჩში ხიხონს ესტუმრა. 42-ე წუთზე გიორგი ქოჩორაშვილმა საჯარიმო დარტყმით აიღო მეტოქის კარი, ვალენსიურმა გუნდმა კი 1-2 გაიმარჯვა.
გერმანიის თასის 1/32 ფინალში კარლსრუე რეგიონალლიგის ლოტეს დაუპირისპირდა და მეტოქე 0-5 გაანადგურა. ბუდუ ზივზივაძემ გოლი და საგოლე გადაცემა მიითვალა. ქართველი თავდამსხმელის პასის შემდეგ მარვინ ვანიცეკმა გახადა ანგარიში 0-2, თავად ქართველმა კი 69-ე წუთზე მეტოქის კარში მე-4 გოლი გაიტანა.
ვიდეო: ბუდუმ გაიტანა და ასისტიც მიითვალა - კარლსრუემ თასზე მოიგო
