ბათუმის დინამოს პრეზიდენტ არჩილ ბერიძეს 2 წლით საფეხბურთო საქმიანობა აეკრძალა.
საქართველოს ფეხბურთის ფედერაციის სადისციპლინო კომიტეტმა არჩილ ბერიძეს მსაჯისთვის ფიზიკური შეურაცხყოფის მიყენების გამო 2 წლით საფეხბურთო საქმიანობა აუკრძალა და ფულადი ჯარიმის სახით 6000 ლარი დააკისრა.
მსაჯზე სიტყვიერი შეურაცხყოფის მიყენების გამო ბათუმელთა მთავარი მწვრთნელი ანდრეი დემჩენკო კი 1200 ლარით და 2-მატჩიანი დისკვალიფიკაციით დაისაჯა.
დინამო ბათუმი ეროვნულ ლიგაში ჩატარებული 17 ტურის შემდეგ 30 ქულით მე-4 ადგილზეა.
