ატალანტამ რომა ჩემპიონთა ლიგაზე არ გაუშვა

იტალიის სერია ა-ს ბოლო ტურში ატალანტა ტორინოს დაუპირისპირდა და მეტოქე სკამაკას, ლუკმენისა და პაშალიჩის გოლებით 3-0 დაამარცხა.

ბერგამოელთა ეს გამარჯვება ნიშნავს, რომ ისინი ტურნირს მე-5 ადგილზე ვეღარ დაასრულებენ. ასეთ შემთხვევაში იტალია ჩემპიონთა ლიგაზე 6 გუნდით წარსდგებოდა, რადგან ატალანტა ევროპა  ლიგის გამარჯვებულია და ლიგაზე ავტომატურად მოხვდა, იტალიიდან დამატებით ადგილს ცხრილში მყოფი შემდეგი გუნდი დაიმსახურებდა, რომელიც ამ შემთხვევაში მეექვსეადგილოსანი რომა იქნებოდა.

ატალანტამ მე-4 ადგილი გაინაღდა, შესაბამისად სერია ა-ს ჩემპიონთა ლიგის მომდევნო სეზონში 5 გუნდი ეყოლება: ინტერი, მილანი, იუვენტუსი, ატალანტა და ბოლონია.

რომა და ლაციო კი ევროპა ლიგაზე ითამაშებენ.