დღეს ხორვატიის ნაკრებისთვის ევრო 2024 შესაძლოა ოფიციალურად დასრულდეს.
ზლატკო დალიჩის გუნდმა, ტურნირზე დასარჩენად, იტალიას უნდა მოუგოს, წინააღმდეგ შემთხვევაში გუნდი დიდი ალბათობით ჯგუფში ჩარჩება.
BBC Sport-ის ინფორმაციით, როგორც უნდა დასრულდეს დღევანდელი მატჩი, ლუკა მოდრიჩი სანაკრებო კარიერის დასრულებას არ აპირებს.
მეტიც, 39 წელს მიტანებული ფეხბურთელი 2026 წლის მსოფლიო ჩემპიონატზეც აპირებს ასპარეზობას.
ამ დრომდე ლუკა მოდრიჩს ნაკრებში 177 მატჩი აქვს ჩატარებული (25 გოლი). 2018 წლის მსოფლიო ჩემპიონატზე მან ვერცხლის მედალი მოიპოვა, 2022-ში ბრინჯაო, 2022/23 წლების ერთა ლიგის გათამაშებაშიც ფინალში დამარცხდა.
