პარიზის 2024 წლის ოლიმპიადაზე საკალათბურთო ტურნირი მიმდინარეობს, სადაც ჯგუფური ეტაპის მე-2 ტურის მატჩები ტარდება.
A ჯგუფში დაძაბული მდგომარეობაა. ესპანეთის ნაკრები პირველ ტურში ავსტრალიასთან მარცხის შემდეგ საბერძნეთს დაუპირისპირდა და მეტოქე 84-77 დაამარცხა.
ესპანელებს სანტი ალდამამ ულიდერა, რომელმაც 19 ქულა და 12 მოხსნა დააგროვა.
ბერძენთა მხრიდან კი გამორჩეული იანის ანტეტოკუნმპო იყო, რომელმაც 27 ქულა და 11 მოხსნა მიითვალა, თუმცა ეს გამარჯვებისთვის საკმარისი არ აღმოჩნდა. ბერძნებმა ჯგუფში ორივე მატჩი წააგეს.
სწორედ საბერძნეთთან გამარჯვების შემდეგ კანადა ავსტრალიას შეხვდა და მეორე მატჩიც მოიგო ანგარიშით 93-83.
კანადელების მხრიდან საუკეთესო არჯეი ბარეტი იყო, რომელმაც 24 ქულით ულიდერა გუნდს. ავსტრალიელებიდან კი ყველაზე მეტი 19 ქულა ჯოშ გიდიმ მიითვალა.
2 ტურის შემდეგ A ჯგუფში კანადა გალიდერდა 4 ქულით, ავსტრალიასა და ესპანეთს 3-3 ქულა აქვთ, საბერძნეთი კი 2 ქულით ბოლო ადგილზეა.
მეორე ტურის დარჩენილ შეხვედრებში იაპონია საფრანგეთს დაუპირისპირდება, ბრაზილია გერმანიას, პუერტო რიკო სერბეთს, აშშ კი სამხრეთ სუდანს.
ჯგუფებიდან 2-2 საუკეთესო გუნდთან ერთად 2 საუკეთესო მესამეადგილოსანიც გავა.
