სლოვაკეთის დედაქალაქ ბრატისლავაში გამართულ სპორტული კარატეს გრან-პრიზე, საქართველოს ნაკრებმა 5 მედალი მოიპოვა.
21-წლამდელებს შორის, კუმიტეში ჩემპიონობა იზეიმა ნოდარ სუპატაშვილმა (-60 კგ.), 12-წლამდელებს შორის კი ოქროს მედალი ალექსანდრე არქანიამ (-35 კგ.) მოიპოვა.
ლიკა ხურცილავამ კატაში, 21-წლამდელებსა და 18+ კატეგორიაში, ბრინჯაოს მედლები მოიგო, ნოდარ სუპატაშვილმა (-60 კგ.) კი კუმიტეში 18+ კატეგორიაში - ბრინჯაოს მედალი.
ტურნირზე მსოფლიოს 47 ქვეყნის 3800 სპორტსმენი მონაწილეობდა, ჩვენმა ნაკრებმა კი გუნდური ჩათვლა მე-11 ადგილზე დაასრულა.
