საქართველო VS სომხეთი - ურთიერთშეხვედრების ისტორია

უეფას ერთა ლიგის B დივიზიონში დასარჩენ პლეიოფში საქართველოს ნაკრები სომხეთს დაუპირისპირდება. ორმატჩიანი დუელი 2025 წლის მარტში გაიმართება. მანამდე კი გავიხსენოთ გუნდების ურთიერთშეხვედრების ისტორია.

საქართველო და სომხეთი აქამდე ერთმანეთს 7-ჯერ დაუპირისპირდნენ, ჩვენი გუნდის შედეგი კი ასეთია - 3 მოგება, 2 ფრე და 2 მარცხი.

დიდი ხნის განმავლობაში ეროვნული ნაკრების ყველაზე დიდი ანგარიშით გამარჯვება სწორედ სომხეთთან ფიქსირდებოდა (7-0), შემდეგ კი ეს შედეგი ტაილანდთან (8-0) გამარჯვებით გავაუმჯობესეთ.

აღნიშნული ამხანაგური მატჩი საქართველოსა და სომხეთის პირველი ურთიერთშეხვედრა იყო, რომელიც 1997 წელს თბილისში ჩატარდა.

ურთიერთშეხვედრების ბომბარდირი 3 გოლით შოთა არველაძეა, რომელმაც სამივე გოლი ერთ მატჩში გაიტანა.

ამხანაგური მატჩები

საქართველო 7-0 სომხეთი (1997 წელი) 

გოლები: შოთა არველაძე (3), არჩილ არველაძე (2), გიორგი ქინქლაძე, მიხეილ ყაველაშვილი.

სომხეთი 1-2 საქართველო (2000 წელი)

გოლები: ვარდან ხაჩატრიანი - ზაზა ჯანაშია, ზურაბ მენთეშაშვილი.

სომხეთი 0-0 საქართველო (2000 წელი)

სომხეთი 2-0 საქართველო (2004 წელი)

გოლები: არმან ქარამიანი, ართავაზდ ქარამიანი

სომხეთი 1-2 საქართველო (2011 წელი)

გოლები: ედგარ მანუჩარიანი - ალექსანდრე იაშვილი, დავით სირაძე.

ოფიციალური მატჩები

საქართველოს ნაკრები სომხეთს ოფიციალურ მატჩში პირველად 2020 წელს, ერთა ლიგის გათამაშებაში დაუპირისპირდა.

სომხეთი 2-2 საქართველო (2020 წელი)

გოლები: ხორენ ბაირამიანი, ჰენრიხ მხითარიანი - ნიკა კაჭარავა, თორნიკე ოქრიაშვილი.

საქართველო 1-2 სომხეთი (2020 წელი)

გოლები: ვაკო ყაზაიშვილი - გევორქ ღაზარიანი, სარქის ადამიანი.

ბოლოს საქართველოს ნაკრებმა სომხეთთან ამ სასტარტო თერთმეტეულით ითამაშა.