1 ნოემბერს, 15:00 საათიდან TKT.GE-ს საშუალებით გაიყიდება საქართველოსა და ხორვატიის 21-წლამდე ნაკრებთა მატჩის ბილეთები.
ევროპის ჩემპიონატის საკვალიფიკაციო ეტაპის პლეი-ოფის შეხვედრაზე დასასწრები ბილეთების ფასი 10, 20 და 30 ლარია. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია.
საქართველო - ხორვატიის ახალგაზრდულ ნაკრებთა პლეი-ოფის შეხვედრა 15 ნოემბერს, 19:00 საათზე, მიხეილ მესხის სტადიონზე შედგება. - ინფორმაციას ეროვნული ნაკრების გვერდი ავრცელებს.
ორმატჩიან დუელში ხორვატიის ნაკრების დამარცხების შემთხვევაში საქართველოს ახალგაზრდული ნაკრები 2025 წელს გასამართ 21-წლამდელთა ევროპის ჩემპიონატზე გავა.
