ქოჩორაშვილის საგოლე გადაცემა - ლევანტემ მოიგო

ესპანეთის ლა ლიგა 2-ის გამოტოვებული მე-13 ტურის შეხვედრაში ლევანტემ მალაგას უმასპინძლა. სასტარტო შემადგენლობაში იყო გიორგი ქოჩორაშვილი, რომელმაც მოედანზე 68 წუთი გაატარა. მატჩი კი უხვგოლიანი გამოდგა.

მე-14 და მე-16 წუთზე გუნდებმა გოლები გაცვალეს, მასპინძელთა მხრიდან თავი ივან რომერომ გამოიჩინა, სტუმრებიდან კი - ლარუბიამ.

33-ე წუთზე რომერომ დუბლი გაიფორმა, საგოლე გადაცემა კი გიორგი ქოჩორაშვილმა მიითვალა.

41-ე წუთზე ანგარიში დანიელ ლორენცომ გაათანაბრა და პირველი ტაიმი 2-2 დასრულდა.

81-ე წუთამდე ანგარიში თანაბარი იყო, თუმცა ლევანტემ თამაშში გარდატეხის შეტანა მაინც მოახერხა. ჯერ კარლოს ესპიმ გაიყვანა წინ ვალენსიელები, 95-ე წუთზე კი ანხელ ალგობიამ დაუსვა მატჩს წერტილი.

ლევანტეს 15 მატჩის შემდეგ 26 ქულა აქვს და სატურნირო ცხრილში მე-5 ადგილზე იმყოფება.

ქოჩორაშვილმა მალაგასთან შეხვედრაში Sofascore-სგან 7.2 შეფასება დაიმსახურა. ქართველს ლა ლიგა 2-ის ამ სეზონში 3 გოლი და 3 საგოლე გადაცემა დაუგროვდა