ფედერიკო კიეზა შესაძლოა ზამთარშივე სერია ა-ში დაბრუნდეს.
იტალიელი შემტევი იუვენტუსიდან 14 მილიონ ევროდ ლივერპულში გასულ ზაფხულს გადავიდა, თუმცა ალბიონზე სათამაშო დრო საერთოდ არ ეძლევა, რის გამოც სამშობლოში დაბრუნებაზე დაფიქრდა.
Tuttosport-ის ინფორმაციით, კიეზას ტრანსფერზე ინტერი დაფიქრდა, რომელსაც ფეხბურთელის 6-თვიანი იჯარით და შემდგომი გამოსყიდვის უფლებით დამატება სურს.
კლუბის პრეზიდენტს ბეპე მაროტას კიეზას აგენტთან კარგი ურთიერთობა აქვს და ისინი პოტენციურ ტრანსფერზე პირადად აწარმოებენ მოლაპარაკებებს.
ამ დრომდე კიეზას პრემიერ ლიგაში 1 მატჩი აქვს მხოლოდ ჩატარებული.
