ილია თოფურიას სავარაუდო მეტოქეს, ისლამ მახაჩევს ახალი ბრძოლა ჩაენიშნა

ცნობილი გახდა ისლამ მახაჩევის და არმან ცარუკიანის მეორე ბრძოლის ჩატარების თარიღი.

UFC-ს მსუბუქი წონის ჩემპიონი თავის ქამარს სომეხი მებრძოლის წინააღმდეგ კიდევ ერთხელ 2025 წლის 18 იანვარს, UFC 311-ზე დაიცავს.

ამის შესახებ ინფორმაციას აბდულმანაპ ნურმაგომედოვის სახელობის სკოლა სოციალურ ქსელში ავრცელებს.

მახაჩევსა და ცარუკიანს შორის პირველი დაპირისპირება 2019 წლის 20 აპრილს გაიმართა და გამარჯვება რუსეთის სახელით მოასპარეზე მებრძოლს, მსაჯთა გადაწყვეტილების შედეგად დარჩა. 

შეგახსენებთ, რომ ისლამ მახაჩევი ილია თოფურიას პოტენციურ მეტოქედ მოიაზრება, თუ ქვემსუბუქი წონის ჩემპიონი ზედა წონაში ასვლას და მეორე ქამრისთვის ბრძოლას გადაწყვეტს.