უეფას ჩემპიონთა ლიგის მე-4 ტურში მიუნხენის ბაიერნმა ალიანც არენაზე ბენფიკა მიიღო. მატჩის დაწყება 15 წუთით გადაიდო, რადგან გულშემატკივრებს სტადიონზე შესვლა ტექნიკური პრობლემების გამო გაურთულდათ.
გუნდებს შორის პირველი ტაიმი უგოლოდ დასრულდა, მეორე ტაიმში კი თამაშის ბედი ერთადერთმა გოლმა გადაწყვიტა. 67-ე წუთზე ჰარი კეინის პასის შემდეგ გოლი ჯამალ მუსიალამ გაიტანა.
კომპანის გუნდმა დარჩენილ დროში უპირატესობა შეინარჩუნა და საბოლოოდ მინიმალური სხვაობით 1-0 გაიმარჯვა.
4 ტურის შემდეგ ბაიერნსა და ბენფიკას თანაბარი რაოდენობის 6-6 ქულა აქვთ. გერმანელები მე-17 ადგილზე იმყოფებიან, პორტუგალიელები კი მე-19-ზე. ცხრილში ამ 2 გუნდს შორის ასევე 6 ქულით მადრიდის რეალია.
