გამოცემა Eurosport-ის ინფორმაციით, ჩაბი ალონსო ლევერკუზენის ბაიერში თავის ბოლო სეზონს ატარებს.
ესპანელმა სპეციალისტმა გერმანული კლუბი 2022 წლის ოქტომბერში, ბუნდესლიგაში მე-17 პოზიციაზე ყოფნისას ჩაიბარა, რის შემდეგაც პირველ სეზონში ევროთასებზე გაიყვანა, მეორეში კი გერმანიის ჩემპიონატი (ისტორიაში პირველად) და თასი მოაგებინა, ევროპა ლიგაზე კი ფინალში ატალანტასთან დამარცხდა. მთელ სეზონში გუნდმა მხოლოდ 1 მატჩი წააგო.
თუმცა, როგორც ჩანს, ალონსოს თავგადასავალი ფარმაცევტებთან ამ სეზონის ბოლოს დასრულდება.
ესპანელი ექს-ნახევარმცველის სამწვრთნელო კარიერის მომდევნო ეტაპად მიუნხენის ბაიერნი ან მადრიდის რეალი სახელდება.
![ლივერპული - ლევერკუზენი [სასტარტო შემადგენლობები]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F0509581d-4334-441c-b7bd-4bab605430ba&w=3840&q=75)
